ક્ષણના અવસર : હરદ્વાર ગોસ્વામી
ખુદને ખુદથી એમ અલગ કર;
સ્હેજ અમસ્તું રહે ન અંતર.
જોજન ઈચ્છાઓને તેડી,
બોલો કયારે પ્હોંચાયું ઘર !
તારો ઈશ્વર તારા જેવો,
મારા જેવો મારો ઈશ્વર.
આંખો સામે તું આવે છે,
મને પુકારું મારી અંદર.
સાત જનમનો શોક મૂકીને,
ઉજવી લે તું ક્ષણના અવસર.
- હરદ્વાર ગોસ્વામી
‘વીણાવેલી’ યોજિત નાટ્ય સ્પર્ધામાં હરદ્વાર ગોસ્વામી રચિત નાટક ત્રીજું સ્થાન પ્રાપ્ત કરે છે તો મિત્રની આનંદની આ ક્ષણને ઉજવવાનો અવસર કેમ ચૂકાય ? મને ગમતી તેની આ ગઝલ સરળ શબ્દોમાં ખૂબ ગહ્.ન વાત કરે છે. ‘દૃષ્ટિ તેવી સૃષ્ટિ’ જેવી મારો ઈશ્વર મારા જેવો વાળી વાત તો ખૂબ જચી જાય એવી છે, ખરું ને ?
.
Congratulations to dear friend Hardwar Goswamni on this occasion!!!
Also enjoyed his very nice Gazal again here.
Sudhir Patel.
તારો ઈશ્વર તારા જેવો,
મારા જેવો મારો ઈશ્વર.
-ખૂબ ઊંચા દરજ્જાની વાત…
નાટ્યસ્પર્ધામાં વિજેતા થવા બદલ પણ ખૂબ ખૂબ અભિનંદન !