ઓરડો : રાજેશ વ્યાસ ‘મિસ્કીન’
ખાંસે છે વૃદ્ધ ફાધર એ ઓરડો જુદો છે,
બેસે છે ઘરનાં મેમ્બર એ ઓરડો જુદો છે.
એકેક શ્વાસ જાણે ચાલી રહ્યાં પરાણે,
ઘરમાં છતાંય બેઘર એ ઓરડો જુદો છે.
મહેમાન કોઈ આવે વાતો જૂની સુણાવે,
લાગે કદીક પળભર એ ઓરડો જુદો છે.
ઘરમાં જૂનું જે થાતું બદલાઇ તરત જાતું,
બદલાય ના તસુભર એ ઓરડો જુદો છે.
મૃત્યુ પછી પિતાના, ખર્ચો કરી સજાવ્યો,
લાવ્યા ખરીદી ઈશ્વર એ ઓરડો જુદો છે.
- રાજેશ વ્યાસ ‘મિસ્કીન’
પિતાનાં મૃત્યુ પછી ઈશ્વરને ‘ખરીદી’ લાવ્યાં ….!! વૃદ્ધ ‘ફાધર’નો ઓરડો જુદો જ હોય… કારણ જ્યારે પિતા કહેવાનું જ ભૂલી ગયા હોય ત્યારે “पितृ देवो भव” ની આપણી સંસ્કૃતિ કોણ નિભાવવાનું ?!! ગુજરાતી સાહિત્યમાં ગુજલિસ કાવ્યપ્રકારને બાદ કરતાં, English word કોઇક વાર કઠતો હોય છે. પણ આ ગઝલમાં ‘ફાધર’ શબ્દ વ્યંજનાત્મક હોઇ તે ગઝલને વધુ ચોટદાર બનાવે છે.
.
sunadar poem..sundar, touchy poem..
એકેક શ્વાસ જાણે ચાલી રહ્યાં પરાણે,
ઘરમાં છતાંય બેઘર એ ઓરડો જુદો છે.
ખૂબ સરસ
ખાંસે છે વૃદ્ધ ફાધર એ ઓરડો જુદો છે,
બેસે છે ઘરનાં મેમ્બર એ ઓરડો જુદો છે.
એકેક શ્વાસ જાણે ચાલી રહ્યાં પરાણે,
ઘરમાં છતાંય બેઘર એ ઓરડો જુદો છે.
મહેમાન કોઈ આવે વાતો જૂની સુણાવે,
લાગે કદીક પળભર એ ઓરડો જુદો છે.
ઘરમાં જૂનું જે થાતું બદલાઇ તરત જાતું,
બદલાય ના તસુભર એ ઓરડો જુદો છે.
મૃત્યુ પછી પિતાના, ખર્ચો કરી સજાવ્યો,
બધે જ જોવા મળતું,સ્વાનુભવોનું દર્શન કરાવતુ વાસ્તવિક ચિત્ર
NICE RACHANA of the Reality of Life as observed in the modern times !
Chandravadan.
Inviting you to my Blog !
http://www.chandrapukar.wordpress.com
આ માણસે તો ગજબની રચના કરી છે.ભાઇ.
સુંદર ગઝલ..
ખૂબ સુંદર ગઝલ!
સુધીર પટેલ.