આવે છે : હર્ષદ ત્રિવેદી
કે અંતરમાં જ્યારે ઉમળકો આવે છે;
બહુ ઊંડેથી દોસ્ત, સણકો આવે છે.
કથા માળા કે જિંદગીની છે સરખી,
કે એમાં ય મેર પછી મણકો આવે છે.
હજી વેઠું છું ત્રાસ અંધારાનો પણ -
ઇલાજમાં એના રોજ ભડકો આવે છે.
પ્રથમ તપવાનું, તરસવાનું, ગાવાનું,
બહુ મુશ્કેલી બાદ રણકો આવે છે.
ગયાં’તાં, પાછાં ત્યાં જ આવીને ઊભાં,
જવું ક્યાં ? ચારેકોર તડકો આવે છે.
ઘણા વખતે આ ઠાઠ, રોનક ને રુઆબી,
લખાવી તારે નામ, ભભકો આવે છે.
- હર્ષદ ત્રિવેદી
’જિંદગી’ની માળા રોજ જ ફેરવીએ અને જ્યાં મેરનો મણકો ઉમળકો ઠાલવે ત્યાં જ સણકો……. ?!! દિવસે તડકો અને રાતનાં અંધારું – ભડકામાં તપવાનું, તરસવાનું, ગાવાનું, તો જિંદગીમાં રણકો આવે … !!
.
સુંદર ગઝલ. બહુ મઝાના કાફિયાઓ – નવી જ રીતે પ્રયોજ્યા છે.
સરસ ગઝલ રણકો આવે છે સરસ
રણકતી,ભભકાદાર ગઝલ!!!!!
પ્રથમ તપવાનુ …. મહામુશ્કેલી બાદ રણકો આવે છે …
સરસ ..!!
મત્લા બહુ ફાંકડો છે-પિંકીજી સુંદર ગઝલ બદલ આભાર.
ઉમળકા સાથે આવતા સણકાનું ઝીણું કાંતણ ગમી ગયું. સરસ ગઝલ..
સુંદર રચના…
nice one !
enjoyed by heart !
શ્રી હર્ષદભાઈની આ સુંદર ગઝલ અહીં ફરી માણવાની મજા આવી!
સુધીર પટેલ.
આ સુન્દર ગઝલ પરમ સમીપે પર પણ ઘણાં સમય પહેલા મેં મૂકી હતી.અહી ફરી એકવાર વાંચવાની મજા માણી.