આવ્યો છું : સુધીર પટેલ
નવી ઘોડી, નવો કૈં દાવ લઇને આવ્યો છું,
પુરાણી દોસ્તીનો સાવ તાજો ઘાવ લઇને આવ્યો છું.
ગળે જો ઊતરે બે વાત મારી કોઇને,
કરે મનમેળ રાતોરાત એ સુઝાવ લઇને આવ્યો છું.
બધે તો હું જીવું છું લોકોની મરજી મુજબ,
નગર તારે મને ગમતો બધો વર્તાવ લઇને આવ્યો છું.
મને ક્યાં સાંભળ્યો છે ધ્યાન દઇને કોઇએ ?
ધરે તું કાન પર એથી અહીં સૌ રાવ લઇને આવ્યો છું.
નથી જોતી કોઇ ઓળખ હવે મારે ‘સુધીર’,
હું ગુજરાતી ગઝલનો આખરી સિરપાવ લઇને આવ્યો છું.
- સુધીર પટેલ
ગરમીમાં આઝાદ-ગઝલની મોસમ ચાલી રહી છે, ત્યારે સુધીરઅંકલની એક ઓર આઝાદ- ગઝલ……. જેમાં દરેક શેરમાં ઉલા મિસરા અને સાની મિસરામાં આવર્તન એક સમાન છે. પણ ઉલા મિસરા અને સાની મિસરામાં આવર્તન અલગ અલગ છે. ત્રણેય રચના એકસાથે એટલે જ મૂકી જેથી આવર્તનમાં લેવાતી ‘આઝાદી’ વિશે જાણી શકીએ. વાત જ્યારે પ્રયોગની હોય ત્યારે તેનાં સ્વરૂપને ન્યાય કરવામાં કાવ્યત્વ – તેના આત્માને અજાણતાં જ અન્યાય થતો હોય એવું બને છે. પણ ત્રણેય આઝાદ-ગઝલ ‘ ગુજરાતી ગઝલનો સિરપાવ’ બની તેનાં આત્માને પણ જીવંત રાખે છે.
.
સુંદર ગઝલ…
સુધીરભાઇ,
સુન્દર ગઝલ. અભિનંદન.
વાહ સુધીરભાઈ!
સુંદર ગઝલ બની છે,રદિફ અને કાફિયા બન્ને પરસ્પર સરસ અને સહજ રીતે ઓગળી શક્યા છે અને એટલે જ એકદમ પ્રવાહિતતા નિભાવી શકાઈ છે.
અભિનંદન.
નવેસરમાં મારી એક ગઝલનો રદિફ પણ-”લઈને આવ્યો છું”-છે,જરા જોઇ જવા વિનંતિ
મજા આવશે.
સુંદર ગઝલ.
સુંદર ગઝલ. માણવાની મઝા પડી.
ગળે જો ઊતરે બે વાત મારી કોઇને,
કરે મનમેળ રાતોરાત એ સુઝાવ લઇને આવ્યો છું
વાહ્!!
સપના
સુધીરભાઇ, લાજવાબ ગઝલ છે. છેલ્લો શેર તો બહુ જ ગ્મ્યો. આવી સરસ ગઝલોથી ગઝલની દુનિયા રળિયાત છે.