અવાજોનું નગર : ગુંજન ગાંધી
આ અવાજોનું નગર છે.
બોલ સન્નાટા, ખબર છે ?
રાત પાછળ રાત થઈ છે,
બંધ સૂરજની સફર છે ?
કાગડો કહે, એકલું ઘર,
કો’કની લાગી નજર છે.
પારદર્શક હો છતાં પણ,
કાચ કરચોથી સભર છે.
જો ફરી સૂરજ ઉગ્યો છે,
કેમ પડછાયા વગર છે ?
ઢાંકણું હિજરાય છે કેમ ?
કાચ તૂટ્યાની અસર છે ?
એ કહે તો આથમે દિન,
એવા કૂકડાની ખબર છે ?
- ગુંજન ગાંધી
કૂકડો બોલેને સૂરજ ઊગે, પણ – વ્યસ્ત શહેરી જીવનમાં નીંદર પણ પૂરી ના થઈ હોય અને એલાર્મ વાગતાં ‘ જાગવું ‘ પડતું હોય એવાં ‘ આ અવાજોનાં નગર’ માં કૂકડો ક્યારે બોલી ગયો ને ક્યારે સૂરજ ઊગી ગયો તે તો ખબર પણ ક્યાંથી હોય .. ?!! આપણાં બાળકોને તો કૂકડો બોલે અને સૂરજ ઊગે એ અનુસંધાનની જાણ પણ છે, ખરી ? તેમની અન્ય રચનાઓ તેમનાં બ્લૉગ પર માણી શકશો.
.
વાહ! સુંદર ગઝલ
ના,એવા કૂકડાઓનું ગુંજન સાંભળ્યું નથી.
તો પણ દિન આથમી ગયાનીતો ખબર છે.
ખબર નથી પડતી સમય કેવો બદલાય છે?
છાપાંને ઊઘ સાથે દિવસ રાત બદલાય છે.
સુંદર ગઝલ….
આ અવાજોનું નગર છે.
બોલ સન્નાટા, ખબર છે ?
રાત પાછળ રાત થઈ છે,
બંધ સૂરજની સફર છે ?
- આ બે શેર શિરમોર થયા છે… રાત પાછળ રાતની કલ્પના ખાસ્સી અર્થગર્ભિત પણ છે… ગઝલમાં કવચિત્ જ આવું ઊંડાણ જોવા મળે છે.
સરસ ગઝલ ફરી અહીં માણી.
ગુંજનભાઈ એમનો બ્લોગ ફરી ધમધમતો કરે એવી અપેક્ષા!
સુધીર પટેલ.
સરસ ગઝલ
૧,૨,૪ અને આખરી શેર પહેલી નજરે સ્પર્શી ગયા.
પારદર્શક હો છતાં પણ,
કાચ કરચોથી સભર છે.
સુંદર ગઝલ!
સપના
Wah wah!
આ અવાજોનું નગર છે,
બોલ સન્નાટા, ખબર છે ?
Saara pavan maa patang kevo pehla j prayatne sadsadaat upade evo ghazal no upaad che..kya baat hai!