છત્રી : પ્રીતમ લખલાણી
ઝરમર વરસતા
આભે
એક સાંજે
છત્રીને કહ્યું :
જો
માણસ
તારી પાસેથી
ઊઘડવાની
કળા શીખી જાય તો !
હું બારે માસ,
મન મૂકીને વરસું !
*******
માણસને
કોરોકટ જોઈ
છત્રીએ
નિસાસો નાખ્યો -
કે
હાથમાં હાથ રાખીને
આખો મારગડો ચાલી તોય
દુર્ભાગ્ય જ ને !
બે ઘડી
મારી સંગે
ભીંજાતાંય ન આવડ્યું !
*******
બારી બહાર
આભને
ઝરમર વરસતું જોઈ
ખીંટીએ ઝૂલતી
હરખપદૂડી છત્રીને
આજ
કાગડો થઈ
ઊડી જવાનું મન થયું !
- પ્રીતમ લખલાણી
‘વરસાદમાં’ ખૂબ ભીંજાયા પછી છત્રીની વાત તો આવે જ ને … ! પણ વરસાદ અને છત્રીને વરસાદમાં માણસ કેવો લાગ્યો એની વાત. બાર-બાર વરસાદી ગઝલ આપણે માણી એમાં આજે એક તેરમી ગઝલનો પણ ઉમેરો હીનાબેનનાં બ્લૉગ પરથી કર્યો છે. તો ફરી એકવાર પલળીએ કવિ રમણ વાઘેલાનાં વરસાદમાં… !
.
ખરેખર, ખુબ જ સરસ અને સરલ અને તેટલી જ ટચ !! અભિનંદન ભાઈ પ્રીતમ લાખલાણી ને!!!
- પ્રવિણ કે.શ્રીમાળી
ત્રણેય રચના અદભુત… પહેલી બે તો એકદમ માર્મિક…
‘છત્રી’ પરનાં ઉત્તમ મોનો-ઈમેજ કાવ્યો!
સુધીર પટેલ.
કેવી લાખેણી વાતોની કરી છે અહીં લહાણી!
નામ જેમનું ફોઈએ રાખ્યું પ્રીતમ લખલાણી.
સરસ કાવ્યો. કાગડો થઈ ઊડી જવાની વાતે મરકી જવાયું.
khub saras…..vatanno varsad tamne mubaraak……aav re varsad, ghebariyo parsad….uni uni rotli ne karelanu shak……