એ જ ઈશ્વર છે : સુધીર પટેલ
તમે જેને જુઓ છો એ તો પથ્થર છે,
ન દેખાતા મહીં જે એ જ ઈશ્વર છે.
પવન નહિં તો વહ્યા કરવાનો નિરંતર,
ખૂટી ગ્યાં શ્વાસ જેનાં એ મુકદ્દર છે.
સૂએ છે રોજ જે ફૂટપાથ પર રાતે,
પૂછો તો નામ એનું પણ સિકંદર છે.
રહ્યો ના ખ્યાલ પણ કે રાહ કોની છે ?
ઝુરાપો એટલો એવો સદંતર છે.
ગઝલ ને હું વિખૂટાં ન હજો ‘સુધીર’
સફરમાં બસ કૈં સહારો પરસ્પર છે.
- સુધીર પટેલ
રમેશ પારેખ કહે છે , “ઠેસ રૂપે જોયો, જોયો ઈશ્વરની જેમ – પથ્થર કોણે જોયો છે પથ્થરની જેમ ?” પણ આંખ ને અંતર આડેનો પથ્થર, પથ્થરનાં ઈશ્વરને પણ જોવા નથી દેતો. ત્યારે નિરાકાર નિર્ગુણ પરમ તત્ત્વને પામવાની વાત તો ? સુધીર અંકલ એટલે જ પથ્થરમાં ઈશ્વરને જોવાની વાત લઈને આવ્યાં છે. જે કણ-કણમાં વ્યાપ્ત છે તે તો રસ્તે પડેલાં પથ્થરમાં પણ છે જ. અને મંદિરની મૂર્તિમાં પણ ઈશ્વરને ન પામે તે તો નિરંતર વહેતાં પવનમાં શ્વાસ ખૂટે તેવી વાત… !!
.
સુધીરભાઈ ખૂબ જ સરસ ગઝલ વાંચવાની મજા પડી ગઈ .
બધા જ શેર સરસ
નમું તને પથ્થરને? નહીં નહીં
શ્રદ્ધા તણા આસનને નમું નમું… (સુન્દરમ્)
સુંદર ગઝલ…
sundar rachna, abhinandan
ફરીવાર સુધીરભાઈની સુંદર ગઝલ…
ઝુરાપાવાળો શેર વિશેષ ગમ્યો.
બધા જ શેર લાજવાબ છે.
સુંદર ગઝલ.
આભાર સૌ ભાવક-કવિ મિત્રોનો અને પીંકીબેનનો !
સુધીર પટેલ.