મિલેનિયમ રાધાનું ગીત : અશોક ચાવડા ‘બેદિલ’
રાધાએ સાડીને કબર્ડમાં મૂકી ને પહેરવા માંડ્યું છે હવે પેન્ટ
હવે સમજાયું વ્હાય શ્યામ વેન્ટ
બિચારો શ્યામ ઘણો કન્ફયુઝ થયો છે એને રાધાની લાગ્યા કરે બીક
વાંસળીના સૂરોથી ન રાધા રોકાય એને વાંસળીથી આવે છે છીંક
રાધા તો પ્લાસ્ટિકનાં ફૂલ ગૂંથે કેશમાં ને ઉપર લગાવે છે સેન્ટ
હવે સમજાયું વ્હાય શ્યામ વેન્ટ
રાધા ક્હે શ્યામ તમે માખણના બદલામાં ચોરી લાવો હીરાનો હાર
વળી ગાય ઉપર બેસવાનું ફાવે નહીં શ્યામ તમે લઇ આવો મારુતિકાર
રે’વાને ફ્લેટ મારે જોશે ઓ શ્યામ, મને ફાવે નહીં તારો આ ટેન્ટ
હવે સમજાયું વ્હાય શ્યામ વેન્ટ
વૃંદાવને શ્યામ મને મળવું ગમે નહીં તું મળવાને હોટલમાં આવ
મારી સહેલીઓને ઇમ્પ્રેસ કરવાને તું હાથોમાં સેલ્યુલર લાવ
રાધા તો ઠીક ઓલી ગોપીઓય આજકાલ શ્યામની કરે છે કોમેન્ટ
હવે સમજાયું વ્હાય શ્યામ વેન્ટ
- અશોક ચાવડા ‘બેદિલ’
શ્રાવણ એટલે સરવરિયા, સાંવરિયો અને સારેવડાં… જોકે આ વર્ષે સરવરિયા તો ઠીક ઝરમરિયા પણ નથી અને સારેવડાં એટલેકે, ફરાળની પણ આઈટમ બદલાઈ ગઈ. ફરાળી બફવડા, ફુલવડી, પાતરા, તો બિસ્કીટ્સ, પીઝા અને અમદાવાદમાં તો પંજાબી/ચાઈનીસ પ્લેટર્સની જેમ ફરાળી પ્લેટર્સ પણ હોટેલમાં મળે છે. બસ બાકી રહ્યો સાંવરિયો એટલે કે કાનુડો … કાનુડાની તો ફરી ક્યારેક વાત …. પણ આજે માણીએ કાનુડાની બદલાયેલ મિલેનીયમ રાધાનું ગીત …. … !! જેને આશિત દેસાઈએ સ્વરબદ્ધ પણ કર્યું છે.
.
વાહ… મજાનું ફ્યુઝન ગીત…
મઝાની વાત તો એ છે કે બિચારા શ્યામજી રાધાનું માનવા લાગ્યા છે.
સારું છે…
ખુબ સરસ.. દીલીપ ઘાસવાલા
[...] (આભાર: http://webmehfil.com/blog/2009/08/10/%E0%AA%AE%E0%AA%BF%E0%AA%B2%E0%AB%87%E0%AA%A8%E0%AA%BF%E0%AA%AF… ) [...]