ગઝલ : અમૃત ‘ઘાયલ’
ચોતરફ મૌન, મૌનની વચ્ચે,
એક તલસાટ કાયમી તે ગઝલ.
તેજ રૂપે કદી તિમિર રૂપે,
મેઘલી મીટથી ઝમી તે ગઝલ.
નિત સમય જેમ ઊગતી જ રહી,
અસ્તમાં પણ ન આથમી તે ગઝલ.
દૃષ્ટિ મળતાં જ પાંપણો મધ્યે,
ઊગે સંબંધ રેશમી તે ગઝલ.
જિંદગાની કે જાંફિશાનીની,
હોય જે વાટ જોખમી તે ગઝલ.
એમની એ જ છે કસોટી ખરી,
દિલને લાગે જે લાજમી એ ગઝલ.
માલમીને ય એ તો પાર કરે,
માલમીની ય માલમી તે ગઝલ.
લીટી એકાદ નીરખી ‘ઘાયલ’
હલબલી જાય આદમી તે ગઝલ.
- અમૃત ‘ઘાયલ’
આજે તેમનાં જન્મદિને તેમની ગઝલ વિશે એક ગઝલ. દિલને જે ગમે કે દિલને હલબલાવી દે તે જ ગઝલ … તેમની આ બે વ્યાખ્યા તો સાવ સાચી છે.
.
લીટી એકાદ નીરખી ‘ઘાયલ’
હલબલી જાય આદમી તે ગઝલ.
વાહ ઘાયલબાપા…..છંદ પણ હલબલાવી દે એવો.
આજ ગઝલનાં અપ્રસ્તુત શેર..
લાજના ભાવથી નમી તે ગઝલ
જે પ્રથમ દ્રષ્ટિએ ગમી તે ગઝલ
આંખમાં આંજીને સ્નેહનો સુરમો
રાતભર સોગઠે રમી તે ગઝલ
એ તો છે ચીજ સર્વ મોસમની
નિત્ય લાગે મૌસમી તે ગઝલ
લીટી એકાદ નીરખી ‘ઘાયલ’
હલબલી જાય આદમી તે ગઝલ.
હલબલાવી દિધા..
સપના
ગઝલના વિધવિધરંગી ફુલછાબ એટલે ઘાયલ સાહેબની આ ગઝલ, ગઝલ એટલે શું તે બધુ કહી દેતી વાત એટલે આ ગઝલ, ગઝલના બાદશાહ શ્રી ઘાયલ સાહેબને સલામ…………..
સુંદર રચના…
વાહ…ગઝલ ના એક સાચા ઉપાસક દ્વારા અપાયેલી ગઝલની સુન્દર વ્યાખ્યાઓ… અભિનન્દન..અને આભાર…પિન્કીબેન…
નમસ્કાર તમરિ પાસે જો અમ્રુત સાહેબનિ ગઝલોનિ ખાસ દિવિદિ હોય તો મને આ નુમ્બર પર જાન કરો. ૯૯૭૯૨૨૨૧૨૩