એ જ હું જોઉં છું : કૃષ્ણ દવે
બે ઘડી ડાળ પર બેસવું, ટહુકવું, કેટલું સહજ છે એ જ હું જોઉં છું;
ઝૂલવું, ખૂલવું, ને તરત ઊડવું, કેટલું સહજ છે એ જ હું જોઉં છું.
માન, સન્માન આમંત્રણો પણ નહીં, આવવાના કશાં કારણો પણ નહીં,
તે છતાં ઉમડવું, ગરજવું, વરસવું, કેટલું સહજ છે એ જ હું જોઉં છું.
કોઇ જાણે નહીં મૂળ શું ગણગણે ? રાતભર કાનમાં ઝાંઝરી ઝણઝણે;
એમનું આવવું, ઊઘડવું, મ્હેકવું, કેટલું સહજ છે એ જ હું જોઉં છું.
છેવટે એ જ તો રહી જતું હોય છે, ક્યાંય પણ નહીં જવા જે જતું હોય છે
બુંદનું બુંદમાં નાચવું, વહી જવું, કેટલું સહજ છે એ જ હું જોઉં છું.
આત્મનું, તત્વનું, મસ્તીના તોરનું, હેમથી હેમનું કે પ્રથમ પ્હોરનું,
ઝૂલણા છંદમાં આ રીતે પ્રગટવું ? કેટલું સહજ છે એ જ હું જોઉં છું.
- કૃષ્ણ દવે
કૃષ્ણ દવેનાં જન્મદિને તેમને ‘સહજ’ વરેલી ગીતનુમા ગઝલ. વૅબમહેફિલ અને તેનાં સૌ વાચકો તરફથી ખૂબ ખૂબ શુભેચ્છાઓ….!!
સુંદર ગીતનુમા ગઝલ!
કૃષ્ણ દવેને જન્મ દિવસની શુભકામનાઓ!
સુધીર પટેલ.
સુંદર મજાનુ લયથી તરબોળ ગીત, વાંચવુ તો ઠીક હરે ગાવુ પણ ગમે!!!!
સુંદર લયબદ્ધ ગઝલ… ગાલગાના આવર્તનોના કારણે એક અલગ જ રવાની મળે છે. બધા જ શેર ગમી જાય એવા છે…
કવિશ્રીને જન્મદિવસની ખૂબ ખૂબ વધાઈઓ..
સુંદર ગઝલ્.
સપના
સુંદર મજાની ગઝલ.
સ રસ ગઝલ કાન માટે અને ગુંજન માટે.
pinki i hope you are visiting himansu’
thank u
સુંદર ઢાળવાળું ગીત.
કવિશ્રીને જન્મદિને દિલી શુભકામના.
કવિને જન્મદિનની વધાઈ. ઘણા વખત પછી આ રચના ફરી માણવાની મઝા પડી.
શતમ જિવમ શરદમ્!અભિનન્દન! રોહિત પટૅલ
અતિ ઉત્તમ્…..