એક જન્મદિને : વિપિન પરીખ
ટેલિફોન ઉપર ફૂલો મોકલી શકાતાં નથી
અને શબ્દોમાં સુગંધ બીડી શકાતી નથી.
ત્રણ-ચાર મિનિટની વાતોની દોડાદોડમાં
હ્રદય આસાનીથી પ્રગટી શકતું નથી.
કોઈના અવાજની સાથે ચહેરો જોઈ શકાતો હોય તો પણ
પોતે જોયેલાં સુંદર સ્વપ્નાંઓને
પ્રિયજનની પાંપણની અંદર મૂકી શકાતાં નથી.
મૂકી શકાતાં હોત
તો
તમે પણ મારી જેમ રાતભર સૂઈ ન શકત
અને હું
આ સવારે તમને ફોન ન કરત !
- વિપિન પરીખ
કોઈ પ્રિયજનનાં જન્મદિને આવી જ કંઈક મૂંઝવણ આપણે અનુભવી છે. અને આજે વિપિન પરીખનાં જન્મદિને આપણી લાગણીઓ અને મૂંઝવણ તેમનાં જ શબ્દોમાં… !! સાથે માણીશું તેમની એક અન્ય રચના પણ.
.
વિપીનભાઈને જન્મ-દિવસના હાર્દિક અભિનંદન!
બન્ને કાવ્યો ખૂબ જ સરસ અને ભાવ-પ્રધાન છે.
સુધીર પટેલ.
નગ્ન સત્ય શબ્દસ્થ.
ખુબ જ સુંદર કાવ્ય.
ઘણા દિવસે થોડો ટાઇમ મળ્યો આજે.
અત્યંત સુંદર્. વિપિન પરીખ મારા પ્રિય કવિ છે..