થઇ ગયો : ઉદયન ઠક્કર
પીળચટ્ટો, જ્યાં અડ્યો ભૂરાને લીલો થઇ ગયો,
તાપ ને વર્ષામાં વૃક્ષોનો કબીલો થઇ ગયો.
કૈં યુગો સુધી પવન મનમાં જ મૂંઝાતો રહ્યો,
પાંદડાએ બોલતાં શીખવ્યું, સૂરીલો થઇ ગયો.
પૃથ્વી તો સ્હેજે ફૂદરડી ફરતી, રમતી નીકળી,
ધીરે ધીરે, થઇ ગઇ આદત ને ચીલો થઇ ગયો.
પાણી પ્રગટ્યું, ત્યારે ચાંદો સોળ-સત્તરનો હશે,
જોઇને દર્પણમાં, છોગાળો છબીલો થઇ ગયો.
માટીનો ઢેખાળો હુશિયારી બહુ કરતો હતો !
પગ તળે રેલો જરા આવ્યો તો ઢીલો થઇ ગયો.
સૌ ગ્રહોને રાતદિવસ જેનું આકર્ષણ હતું,
અંતે જકડી રાખનારો એક ખીલો થઇ ગયો.
- ઉદયન ઠક્કર
કુદરતનાં પાંચ તત્ત્વોની વાતને કવિએ અદ્ભૂત રીતે ગઝલમાં વણી લીધી છે. પીળચટ્ટો સૂરજ, ભૂરા આકાશને અડે ત્યારે લીલી વનરાજીનો કબીલો કેવો ફૂલે ફાલે ? અને તે વાત રંગોની ભાષામાં એટલી જ સત્ય… કારણ, પીળો અને ભૂરો મેળવીએ તો લીલો જ રંગ નીપજે !!
.
મઝા આવી ગઈ, એકદમ ફ્રેશ થઈ જવાયું, એવું તાજગીસભર કાવ્ય છે. દર બીજી પંક્તિની અર્થચમત્ક્રુતિથી મઝા જાણે બેવડાઇ જાય છે.
very different gajhal.
there is no doubt about uddayan’s creativity and
co-lateral thinking but the problem with him is that he is too obsessed to look different and in that process he vandizes poetry.
Pinki : Please write correct e-mail address.
ઉદયન ઠક્કરની રચના વિશિષ્ટ જ હોવાની… પહેલા મિસરામાં થોડું ગોથું પણ હું ખાઈ ગયો, ત્યાં પિંકીબેને આબાદ ટેકો કરી આપ્યો…
શ્રી ઉદયન ઠક્કર કવિ આલમમા નોખા જ રહેવાના છે એટલે એમની રચનાઓ પણ સમજવા માટે બે વાર મનન કરવી જ પડે,પ્રકૃતિને સરસ રીતે રજુ કરી છે……
ઉદયન ઠક્કરની આગવી શૈલીની ગઝલ. કૈક નવું વાંચવાનો આનંદ!
સરસ ચુલબુલી રચના
વાહ્
badha matina dhhekala આખર dhhila dhhaf thai javana j chhe.
saras rachana.