વસંત : યામિની વ્યાસ
( મૂલ મોંઘાં છે…. ફૂલોની જાજમનાં )
દ્વાર ઉપર ટકોરા મોસમના,
ફૂલ ખીલ્યા છે સારી આલમના.
ફૂલની પાથરી દીધી કેવી ?
મૂલ મોંઘાં છે એની જાજમના.
આંગળી સ્હેજ એને અડકે તો -
સૂર વાગે છે એમાં સરગમના.
આપણે તો કદી રડી પડીએ,
ફૂલ હસતાં રહે છે કાયમના.
માનશો ! હર વસંતે યાદ આવે,
વાયદાઓ એ મીઠા વાલમના.
- યામિની વ્યાસ
વસંતે હૈયાનાં દ્વાર પર ટકોરા દીધાં હોય તો કંટક રુપી જીવનમાં લાગણીઓનાં પુષ્પો સહજ રીતે ખીલી જ ઊઠે. અને ત્યારે વાલમનાં મીઠા વાયદાઓ પણ યાદ આવે જ.
.
the attachments to this post:
pushpa
sunflower bed
વાયદાઓની યાદ અપાવે વસંત. સારું છે કે પાનખર એ પહેલાં વીતી ગઈ હોય છે.
હૈયા પરના ટકોરાની વાત મજાની છે.
તમે વેબમહેફિલે વસંતને લાવીને આગોતરો આનંદ વહેંચ્યો.
સુંદર રચના…
મનભાવન તસ્વીર સાથે એવી જ સુંદર માતબર કાવ્ય-રચના!
મોસમના ટકોરા અને ફૂલોની જાજમ ન ગમે તો જ નવાઈ!
સુધીર પટેલ.
ખુબ સુન્દર રચના અને તસ્વીર..બ્લોગ બર્થડેના ખુબ ખુબ અભિનન્દન.