દોઉં છું : રાજેન્દ્ર શાહ
બેસવાનો થાક લાગે છે મને,
ચાલવા ટાણે હવાની લહર જેવો હોઉં છું.
રેશમી રંગોનું ગૌરવ ફૂલને,
મ્હેકને અણદીઠ મારામાં ભળેલી જોઉં છું.
કંપ જાગ્યે સૃષ્ટિ થાતી શબ્દની,
ને ગગન સમ પ્રેમના મૌને હું એને પ્રોઉં છું.
પામવુંનું બીજું નામ સંસ્મૃતિ,
શી ખબર એવી પળોએ હું મને શે ખોઉં છું.
હું તમારાથી જુદો કૈં છું નહીં,
રામ હું ને હું હ-રામી જે કહો તે દોઉં છું.
- રાજેન્દ્ર શાહ
ઊર્મિકાવ્યો અને સૉનેટ થકી જેણે ગુજરાતી સાહિત્યને ઉજળું કર્યું તેઓએ ગઝલમાં પણ પોતાની કલમ અજમાવી અને તેમાં આઝાદ ગઝલનો પ્રયોગ પણ કરેલો. આજે માણીએ તેમની કલમે એક આઝાદ ગઝલ.
શબ્દાર્થ : પ્રોઉં – પરોવવું, દોઉં – બન્ને.
.
ઉંચા ગજાના કવિશ્રી…..
સુંદર રચના… કાફીયાબંધી ગમી ગઈ…
ખૂબ જ સુંદર ચિંતનાત્મક આઝાદ ગઝલ!
સુધીર પટેલ.
સુંદર…