સખીરી, મારા સાજણ રહે છે સાવ કોરા : વિમલ અગ્રાવત
આયખામાં આવી છે આષાઢી સાંજ અને ઝરમરિયાં વરસે છે ફોરાં.
સખીરી, મારા સાજણ રહે છે સાવ કોરા !
સાજણ કરતા તો સારું બાવળનું ઝાડ, જેને છાંટો અડતા જ પાન ફૂંટે;
સાજણ સંતાય મૂઓ છત્રીમાં, આખ્ખું આકાશ અરે મારા પર તૂટે;
પલળી પલળી ને હું તો ગળચટ્ટી થાવ, પછી સાજણ લાગે છે સાવ ખોરા.
સખીરી, મારા સાજણ રહે છે સાવ કોરા !
ચૈતર વૈશાખ તો સમજ્યા, પણ આષાઢી અવસરને કેમ કરું પાર?
સાજણ છે મારો સૈ વેકુરનો વીરડો ને મારી તરસ ધોધમાર ;
વરસાદી વાયરાઓ ચાખી ચાખીને, હવે ચાખું છું છેલ્લા કટોરાં.
તોય મારા સાજણ રહે છે સાવ કોરાં.
- વિમલ અગ્રાવત
આષાઢી સાંજ અને સજનીની ધોધમાર વ્હાલની ધોધમાર તરસ… ! આષાઢી અવસરમાં વરસાદી વાયરાઓ ચાખીને, પણ જો સાજણ કોરો રહે તો તેને કેમ ભીંજવવો ?!! તેમનાં બ્લોગ પર ભીંજાવવું પણ જરુર ગમશે. http://agravatvimal.wordpress.com/
.
the attachments to this post:
sakhiri
ખુબ જ સરસ ગીત છે અને શબ્દો પણ સુન્દર છે. સાજણ કરતા તો સારુ’ બાવળ ઝાડ….. ખુબ સરસ.
ખુબ જ સરસ ગીત છે અને શબ્દો પણ સુન્દર છે.
મિત્ર વિમલ, ખૂબ સરસ ગીતકાર છે. ર. પા. યાદ આવી જાય એવી મસ્તી અને ભાષાકર્મ.
બહુજ સરસ ગીત
સુંદર મજાનું ગીત.
વાહ વાહ વાહ…
ખૂબ જ મજાનું ગીત… મેરા લાખોંકા સાવન જાય રે!!
વેકુરનો વિરડો જેવા તળપદા શબ્દ-પ્રયોગ દ્વારા રચાયેલું સુંદર ગીત!
સુધીર પટેલ.
ગીત સાથે સુંદર ચિત્ર ભીંજાવા છતા કોરી રહેતી નાયિકાના ભાવને અસરકારક રીતે વ્યક્ત કરે છે.આભાર પિન્કીબહેન.
Pinki : Dear Vimalbhai, Warm Welcome to WebMehfiL
And thanks a lot for sharing your nice song with us !