કલમ ઉપાડી છે : સુનીલ શાહ
આંખ ઊંડી ને ખાલી પેટ લઈ ગુજારી છે,
મેંય પથ્થરો માફક જિંદગી ઉપાડી છે.
રાત જ્યાં વીતે છે એ ફૂટપાથ સાક્ષી છે,
આભ ને ધરા વચ્ચે કેટલી ઉદાસી છે !
રોજ પથ્થરોમાં મેં શોધ આદરી તારી,
શી ખબર કે તેં ઈશ્વર, જાત ક્યાં છુપાવી છે !
હું ઉછાળું સિક્કો ને રોજ ઝીલી લે છે તું,
ભાગ્ય એટલે મારું જાણવાનું બાકી છે.
શબ્દ જેણે દીધો છે, એ જ શ્લોક પણ દેશે,
માત્ર એ જ શ્રદ્ધાથી મેં કલમ ઉપાડી છે.
- સુનીલ શાહ
આપણાં સૌની દોરી ઈશ્વરનાં હાથમાં જ રહેલી છે અને ભાગ્ય જાણવા, ઉછાળેલાં સિક્કાની બન્ને બાજુ પણ… તેના જ હાથમાં. સુખ કે દુઃખ જે પણ આવે/આપે, ઈશ્વર પર શ્રદ્ધા રાખી જીવીએ તો જિંદગી અઘરી નહીં લાગે !
.
the attachments to this post:
jindagi
ઈશ્વર પ્રત્યેની અખંડ અને અમાપ શ્રદ્ધાના રંગે રંગાયેલી વાસ્તવિક્તાની ગઝલ
અભિનંદન સુનીલભાઈ…
વાહ, વાહ સુનિલભાઈ… મજાની ગઝલ લઈ આવ્યા!!!
ઓછાં વપરાતાં ‘ગાલગાલ ગાગાગા’ના બે આવર્તનોમાં સ-રસ રંગ જમાવ્યો…
ખુબ સરસ રચના છે…
મઝાની ગઝલ….આભાર સુનિલભાઈ.તમને એવુ નથી લાગતુ કે ગઝલના મક્તા મા ઊડી શબ્દમા ડી લઘુ કૈ રીતે થઈ શકે…એ પહેલા ઊ મા અનુસ્વાર પણ ચ્હે….પચ્હીના ને ને તમે ગુરુ બનાવ્યો ચ્હે…માફ કરશો આતો મને આવુ લાગ્યુ…બાકી સરસ રચના….
ભોપાલ
સુંદર ગઝલ!
સુધીર પટેલ.
હું ઉછાળું સિક્કો ને રોજ ઝીલી લે છે તું,
ભાગ્ય એટલે મારું જાણવાનું બાકી છે.
વાહ!
ખુબ સુંદર….