સાદ પાડે લાડમાં : હર્ષદેવ માધવ
.
( કળીનું ફૂલ ફૂટે આંખમાં )
.
ક્યાં ઝરણ ફૂટી રહ્યું છે પહાડમાં,
આજ ચોમાસું છે હાડેહાડમાં,
એય ! ખળખળ થાય એવો હાથ છે,
કઈ ગલી ધબકી રહી છે નાડમાં.
એ કળીનું ફૂલ ફૂટે આંખમાં,
જે કળી ફૂટી રહી છે ઝાડમાં.
શુષ્કતામાં યાદનું આવાગમન,
જેમ કલબલ હોય લીલો વાડમાં.
નીડ-પરવશ પાંખ આજે છૂટશે,
આભ એને સાદ પાડે લાડમાં.
- હર્ષદેવ માધવ
.
હવે તો આપણાં હાડેહાડમાં ચોમાસું ફૂટી ગયું છે અને ત્યારે કવિ વર્ણવે છે એવી કંઇક લીલી યાદોને માણી લઇએ… ! જોકે, આજે પણ વાદળો ઘેરાતાં, મનને તો પાંખ ફૂટી જ આવે જાણે કે, આભ એને સાદ પાડે લાડમાં.
.
.
.
.
the attachments to this post:
kali
